دمعة قهر

االيوم جبت لكم روايه

منقوله

مرره اعجبتني

ومحزته

ان شاء الله تعجبكم

والروايه بعنوان

دمعة قهر



الجـــزء الأول:

خالد بطل القصة عمره 26سنه خلص من الجامعة قسم إدارة أعمال وهو من كان صغير يحب يقضي وقته في العمل لذا هو الوحيد من أخوانه يعتبر خلص الجامعة واجتهد بعمل يده وحصل كل اللي يتمناه سيارة وفيلا
وشركه صغيره على قده ورصيد بالبنك يعني الولد لقطه<<على قول اخوانا المصريين<<
والجمال ما عليه الشاب طوله حلو بشرته حنطي حواجبه مرسومه شعره ناعم جسمه عريض شخصيته مو مره قويه لكن معروف انه حنون وطيب واللي في قلبه على لسانه ونسيت أقولكم خالد عنده محل كوفي كان لما يقضي من أشغاله يكمل باقي وقته في الكوفي ........................
.............................
حصة البنت هذي الطيبة عنوانها والحزن صديق عمرها لكن رغم عن ذلك مؤمنه بقضاء الله وقدره حصة عمرها 23سنه عايشه عند أبوها أمها توفت بعد ما جابت أخواتها التوأم لما وسارة توفت أم حصة بعد ما تركت لما وسارة أمانه في رقبتها طبعا هذا الكلام حصل لما توفت أم حصة لما كان عمرها 12سنه يعني تحملت أعباء اكبر منها مسكينة يا حصة الله يكون في عونك أبو حصة عياله 6ما شاء الله 3أولاد و3بنات
لكن الأولاد مثل ما نتم عارفين ما يحبون المسؤولية أخوان حصة راشد ومحمد ونواف راشد كان ضابط ومتوظف في مدينة جده وما كان يجي إلا في الإجازات ومحمد كان يدرس بالجامعه خارج المملكه ونواف في الثانوي يعني سن المراهقه لكن حصه تعبانه معاه وابو راشد اللي هو ابوحصه طبعا محتاج لزوجه تراعيه واكيد راح يتزوج وطبعا تزوج كانت زوجته متقلبه يعني يوم معاملتها مع حصه كويسه ويوم عصبيه لكن ماتهتم بعيال زوجها بما ان عندهم اختهم لكن حصه من النوع الكتوم اللي مايحب يشكي حاله للناس يحب يوضح لهم انه اقوى وقد المسؤليه لكن من الداخل مسكينه هموم تهد جبال طبعا حصه ما في صلة قرابه بنها وبين خالد.............................................. ............


سلطان اخو خالد وعمره 20سنه خالته اسمها تغريد سلطان وتغريد كبر بعض ومن هم صغار وعلاقتهم كل يوم تزيد عن الثاني وهم يحبون بعض مررررررره سلطان كان مايحب الدراسه ودايم يعيد السنه وكان مقرر انه مايكمل خلاص مل لكن تغريد رفضة وشجعته لما خلص المرحله الثانويه..
..........
عبد العزيز38سنه وناصر34 سنه وفيصل 30سنه اخوان خالد الكبار طبعا اهم متزوجين وساكنين مع ابوهم وامهم وكلهم موظفين عاديين تبع الحكومه لانهم ماكملو دراسه ورواتبهم بعد عاديه يعني يالله يالله تغطي حاجتهم وحاجة عيالهم لكن ابوهم الله يعزه كان مو مقصر معاهم لان ابوهم رجل اعمال .. عشان كذا خالد طلع على ابوه ....
امهم ماعليها مديرة مدرسه بس امهم مو فاضيه لهم دايم تطلع وتسافر
وهدى ونوف وريم اخوات خالد ..هدى اكبر البنات 24سنه اخر سنه بالجامعه ..نوف 22سنه مستوى ثالث من الجامعه .. ريم الصغيره بالمرحله الثانويه تقريبا عمرها 17......
طبعا بما انهم بنات وانتو تعرفون بنات هالايام يحبون الكشخه والمظاهر وخاصه نوف شوي مغروره وريم حبوبه وهدى حنونه وطيبه واللي يجلس معاها يرتاح لها لان قلبها كبير وما تكره احد...........


وفي شخصيات في القصه اخرى لكن دورهم مو اساسي .................................................. .................................................. .................................................. ....
الجــــــــزء الثاني :

الوقت الظهر الساعه 2,00وقت الغدا الكل في بيت ابو عبد العزيز>>ابو خالد<<الكل على سفرة الاكل
ابو عبد العزيز:ها عيال وش اخباركم ؟
عبد العزيز:نفس كل يوم يبه هالدوامات تدوخ والراتب اللي نطلعه في اخر الشهر اقل من اللي نعمله في شهر
ابو عبدالعزيز:احمد ربك غيرك مو لاقي لقمة العيش اللي تاكلها
ناصر:إيه الله لنا خالد اللي مرتاح
خالد:بسم الله علي اذكر الله لا تصيبني بعين الحين
ناصر:لا اله الا الله ماقلت شي كل اللي قلته انك مرتاح بس
فيصل :ايه ياناصر والله انك صادق ان خالد مرتاح مشاالله هذا جزا اللي يتعب يرتاح بالاخير
ابو عبد العزيز :ايه ماعلينا الا اقول خالد ماودك تتزوج ؟
خالد: الله يهديك يبه انا ماحب هالسالفه انا الحين مافكرفي العرس
ابو عبد العزيز:بس انت الحين مو ناقصك شي
ناصر:ايه خالد مو ناقصك شي الف بنت تتمناك
خالد:اووووووووووووووف من هالسالفه خلاص مابي قلت لكم مابي اتزوج الحين ..........
وطلع خالد من البيت وتوجه للكوفي حقه وجلس هناك ........
....................................
حصه كانت تعبانه شوي وماحد حاس فيهالما وساره اخواتها كانو نايمين والوقت كان العصر ابوها مسافر وزوجة ابوها في غرفتها منشغله مع عيالها طلعت حصه من غرفة اخواتها بعد ماناموا وهي تحس بتعب في قلبها بس مثل ماقلت لكم ماتحب احد يعرف انها تعبانه توجهة لغرفة نوره زوجة ابوها وضربت الباب على نوره
نوره:مين؟؟
حصه:خالتي ممكن ادخل
نوره:وش تبين انا مشغوله
حصه:اقول خالتي انا بروح غرفتي ارتاح لي شوي ممكن لو قامو لما وساره تقولين لهم اني بغرفتي اخاف يقومون ومايلقوني جنبهم
نوره:حبيبتي انا مو فاضيه لك ولاخواتك ........
ساره ولما عمرهم تقريبا11 سنه ومتعلقين بحصه بشكل ماتتصورونه
حصه :طيب مشكوره ياخالتي
راحت حصه لغرفتها وهي تبكي وتتمنى احد يواسيها ويفكر معاها ويساعدها في الحمل الثقيل اللي تركته امها لها تتمنى كلمة حنان تسمعها لانها من زمان ماسمعتها تتمنى احد يسهر معاها اذا تعبت لانها دايم تسهر مع اخواتها ........من دون لا تدري حصه وهي مو في وعيها كانت غارقه في حزنها والمها لبست عبايتها وطلعت مشت وهي ماتدري وين رايحه مشت والكل يناظرها ومستغرب من شكلها تمشي ومو داريه وين تروح وفجاءه لقت نفسها تجلس على طرف احد المحلات .....
وهذا المحل كان.....الكوفي حق خالد......
حبت تستريح وبعد شوي جا لمها واحد من العمال اللي يشتغلون عند خالد
العامل:ماما انتي ليش يجلس هنا ممنوع يجلس يالله قوم
حصه:................
العامل:يالله قوم بعدين يجي شرطه الحين شيل انت
حصه والدموع مغرقه عيونها وتناظر العامل ومو عارفه وش تقول
العامل كان يفكر ان هذي ((شحاذه)) شوي وراح العامل لخالد وقاله الموضوع
خالد قام يشوف قصة الحرمه ذي اللي يقول عنها العامل
خالد:لو سمحتي اختي ليش جالسه هنا ؟
حصه والدموع تنزل من عيونها :ممكن مويه
خالد قال للعامل يجيب لها كاس مويه
شربت حصه المويه وكانت تناظر خالد اللي طلع المحفضه حقته من جيبه وطلع منها مبلغ من المال ومده لها.
حصه:مشكور انا مو شحاذه
خالد:طيب انا اسف بس وش عند ك جالسه هنا
حصه :انا اسفه والحين بقوم بس كنت شوي تعبانه وحبيت استريح ..
خالد حس بشعور غريب ومن الفضول حب يعرف وش في البنت
حصه قامت والدموع تنزل من عيونها تبي تكمل طريقها وهي قايمه
خالد:اقول اختي لو سمحتي؟
حصه:نعم
خالد:ممكن تتفضلين شوي داخل
حصه خافت بما انها بنت عاقله ومحافظه بس اهي بلوقت هذا مو عارفه وش تسوي او تفكيرها مشلول ومو حاسه بللي حواليها دخلت للكوفي حق خالد
اتصل خالد على اخته :هدى وينك
هدى:ليش وش فيك انا طالعه الحين مع صديقاتي
خالد:هدى بليز بسرعه تعالي بغيتك بسالفه
بسرعه تعالي الكوفي حقي
هدى:خالد وش عندك
خالد:الحين انتي تعالي وبعدين اعلمك
هدى:انزين شوي وجايتك
حصه استغربت ليش الشخص دخلها وقدم لها الكوفي وقالها تنتظر شوي بدت تشك حصه وخافت من خالد قامت عشان تطلع وهي قايمه قابلتها البنت هذي <<هدى>>
طبعا خالد لما وصلت حصه خبرها بالموضوع وهدى تقول:وش عليك منها خلها تروح
خالد:هدى سوي اللي اقولك عليه وشوفي البنت وش فيها
هدى دخلت على حصه
هدى:وين رايحه
حصه:ليه من انتي
هدى:انا اخت الشخص اللي دخلك هنا
هدى:وش اسمك
حصه:انا اسمي حصه
هدى:هلا حصه بس انتي وش عندك جالسه تدورين بالشوارع ماتخافين على نفسك؟
في الوقت هذا حصه ماقدرت تمسك نفسها وطاحت في حضن هدى وبكت
خالد كان يناظرهم من بعيد ولما شاف منظر حصه خالد عوره قلبه حس ان البنت هذي وراها سالفه ولازم يعرفها
هدى:بس ياحصه اهدي شوي وعلميني وش فيك
حصه انا مابي ارجع بيت اهلي
هدى:وليش الوحده مننا مالها الا بيت اهلها
حصه:بس انا مليت وربي مليت
هدى:ليش وش صار لك ممكن تعلميني
حصه سالفتي يا...
هدى:انا اسمي هدى
حصه:هدى لو احكيلك سالفتي من هنا لبكره يمكن ماخلص
خالد من الفضول الزايد ماقدر يصبر يبي يشوف البنت وش قصتها نادى هدى
خالد:ها هدى البنت وش فيها
هدى:مادري بس خالد ليش انت مهتم بالبنت خلها تروح وماعليك منها
خالد:هدى انتي تعرفيني زين ماخليها لين اعرف سالفتها يالله لحين روحي لها وافهمي وش في البنت وتعالي علميني
هدى:لازم يعني
خالد:ايه لازم
راحت هدى لحصه وجلسو يسولفون وهم غارقين بالسوالف هدى حست بمدى الجرح اللي تعاني منه حصه وبكت على حال حصه لكن هدى مافيه في ايده شي تسويه لحصه
هدى:طيب ليش ماترجعين بيتكم
حصه:ابيهم يفقدوني ابيهم يسألون عني
هدى:بس هذا اللي تسوينه اكبر غلط تعرفين مجتمعنا مايرضى البنت تطلع من بيت اهلها بدون اذنهم
حصه:وش بيسوون يعني بيذبحوني احسن خليني اموت وارتاح........
حصه في الوقت هذا شالت من على وجهها النقاب حقها...
وكانت في غاية الجمال هدى فتحت فمها لما شافتها وش لون خالد اللي كان يراقبهم من بعيد
وقف مكانه ومو عارف وش يسوي وفجاءهنزل راسه وقال حرام علي اناظر البنت لا ياخالد اعتبرها اختك خالد بس البنت جميله وبكذا اصر في نفسه مايخلي البنت لما يعرف عنها كل شي
هدى:مشالله ياحصه انتي حلوه مره
حصه:وش فايدة الجمال اذا كان ينقصني شي
هدى:وش ينقصك ياحصه احمدي ربك عطاك نعمة المال والجمال ونعمة الاهل والراحه
حصه:أي راحه أي راحه وانا عايشه بين هموم واحزان أي راحه وانا مالاقي من يمسح دمعتي أي راحه اللي انا عايشه فيها
هدى:بس انتي تقولين ان ابوك مو مقصر
حصه:صح ابوي مو مقصر بس وش فايدة ابوي اذا كان مايسال عني زوجة ابوي خلته ينسانا بس يشوفنا يمكن بوسط الاسبوع مره
واذا بغينا منه شي يانكتب له بالاوراق او نتصل عليه
هدىماقدرت تمسك دموعها وبكت مع حصه وخالد من بعيد جالس يتامل المنظر ووده يروح يجلس معاهم.............................

ياترى وش راح يصير بين هدى وخالد وحصه؟؟
اهل حصه ردت فعلهم كيف لما يلقون بنتهم او لما ترجع وش راح يسوون فيها
احداث كثيره بتصير في الجزء الثالث
نتابع ونشوف...........
انا عايش مع همي وهمي صعب تفسيره
حياتي بالألم تبدا وهذا اول المشوار
انا صوره من الماضي وانا حاضر بلا ديره
وانا طيف مضى وقته واصبح للزمن تذكار
وانا جرح صعب يبرى وكسر صعب تجبيره
وجودي والالم واحد بدنيا كلها اسرار
انا ورده بدت تذبل وضعها كيف تصويره
تخيلها سحابة صيف بخيله حتى بلأمطار........

size=24]اتمنى منكم الردوود

لو اعجبتكم

حتى اكمل[/size]